近日大事回顧 - Thank you Dr. Carla fm Nine Lives Hospital

近日大事回顧 - Thank you Dr. Carla fm Nine Lives Hospital
昇昇已經好番啦, 多謝各位好友既關心.
今次昇昇(我隻異短貓)可算話執番條命...

20/1
昇昇開始嘔, 大概一日一次, 貓好多時都會嘔, 嘔左幾日, 唔對路, 帶佢睇"阿差"醫生, 食左藥打支針, 又好似好d
過左幾日仲係唔得, 又睇多次, 今次"阿差"醫生放假, 睇左個 Dr szeto yellow green...
又過左幾日.... 阿昇開始唔食野, 無哂心機, 餵佢都唔食, Butter都唔打. 都知大wok, 再睇"阿差"醫生, 驗血睇下, d 肝指數超哂錶, 體重無左1/4
"阿差"醫生話阿昇FIP, 即係貓絕症....

心諗唔係呀, 阿昇買番黎$7800, 諗住玩十年, 每年即係$780, 每個月都係幾十蚊者, 而家咁早香, 咪好蝕!!.........

年三十
早收工既亨利,Call 的帶阿昇去中環睇貓醫院, Dr Maggie full booking, 睇Dr Carla
佢話d指數係高, 不過都未係咁悲, 佢suspect 係primary liver problem, 開左8種藥俾阿昇, 打左兩支針添... 過完年再睇啦
睇完醫生返屋企, 咁好似好d喎, btw, 年三十個日共搭左$800的士, 連個的士佬都話做完你就收工啦..... 我覺得我幫到個家庭食到團年飯, 真偉大... 但我地就一日使左二仟幾蚊

年初一至初四
開始有胃口, 精神一日俾一日好

年初五
Dr Carla見到佢, 都好滿意進展

年初十
昇昇已經好番好多, 只係仲好瘦, 再睇Dr Carla, 醫生見佢體重回升, 好開心呀~ 仲有驗升睇下, 有d指數已經去番正常, 而有d就跌番好多, recover得好快, 醫生都話Amazing!!

今日昇昇點? 食得行得走得打得.... 又破壞我地屋企啦!! 佢記唔記得自己十幾日前差d香架??!